sa saudi may bayani
likha at titik na ka noel malicdem
jeddah, KSA
magagarang kotse,maluluwang na daan
malawak na karagatan,bakod naman nakaharang
maaayos na tahanan di mo naman masilayan
pati bintana ginawa pang may silipan.
ibong uwak nagliliparan
nagkalat sa buong kapaligiran
agawan sa pagkaing itinapon sa daan
di alintana masagasaan ng sasakyan.
pilit man na ako'y bigyan ng kasayahan
di ko magawa dahil ako'y napipilitan
iba pa rin ang bansang iniwan
kahit walang pera ligaya naman mararamdaman.
ang pagparito'y di ko pinagsisihan
upang ang hirap sa abroad masubukan
ipaalam sa bansang iniwan
bayani kami para sa kaunlaran.
No comments:
Post a Comment