No panunuten ket kasla katnu laeng idi dyay baro a tawen, bulan ti ayat, nangina nga aldaw…agraman metten a ti kinapudot na siguro ditoy middle east ket di mo madlaw kalilinung ket ni naibus ti dyay bulanen nga napudot.
Kastoy nga talaga ti biag ditoy abroad haan mo madlaw ti tawen nga immakaren. Diyay kunak nga duwa tawen ko laeng ket ni 9 nga tawen ko gayamen…nga agan-anus! Susmarya ket inya ngay ngarud kasta laeng ti biag. No inya diyay pagsayaatan ket isu a ti kamatem tapno duray kasatno kaasi ti Apo maiikkan met ti nasayaat nga panagbiag iti pamilya.
Maysa pay nga pasalamat ko ket adda latta iti trabahok met duray kastoy iti mapaspasamak ditoy middle east agraman met ditoy lubongen a lalo ket adu iti awan trabaho na ket no inya man ti adda agyaman tayo latta. Narigat ti agpili ti trabaho itattan haan kasla idi kaub-ubingan pay (ubing ak pay met) ket tatta lumakay tayon a ket anusan no inya ti adda nga trabaho basta naragsak ken adda met a ti maurnong. Duray igatang laeng ti paltat ken tukak nga pangaldaw agraman metten a ti relo nga di pedal ken sapatos nga aircon.
Ket inya ngay trabaho latta tapno haan madlaw nga umak-akar ti aldaw madamdama baro man a tawenen… dreng! dreng!
No comments:
Post a Comment