Bukas iluluwa ng dagat ang puso mo

Bukas iluluwa ng dagat ang puso mo

likha at titik ni Ka Noel Malicdem

Kahapon inihagis mo ang puso mo sa dagat

Upang kalimutan kabiguang nalasap

Sa isang pag-ibig na puno ng pangarap

Na ngayo’y alaala na lang wala nang bukas

Panahon lang ang magdidikta kailan iluluwa

Ng dagat ng pusong nagluluksa

Ang umibig muli kinalimutang pansamantala

Hintayin ang hampas ng alon na maging payapa

Di ko man lubos kilala ang dagat

Ang paghagis ng puso mo’y di ko matanggap

Alon na lang ang magluluwa sa tabing dagat

At umibig muli sa panibagong bukas

Ang puso’y maihahalintulad sa isang dagat

Minsan payapa, minsan humahampas

Tulad ng puso titibok at iibig muli

Bukas iluluwa ng dagat ang puso mo.